تخيل أنك فتحت موبيل أنسان مقرب ليك وعزيز عليك جداولقيتة مسجل رقمك وكاتب علية أحد العبارات الأتية:
-لزقة-
قلق-
وجع دماغ-
شخص يخنق
- غلاسة
أية هيكون رد فعلك؟وهل هتاخذ منة موقف ولا هتعمل نفسك مشفتش حاجة؟!
أكبر مجهود أن تكتشف أنك تزرع بأرض بور. أكبرخيبة أن تكتشف أن مايعز عليك لاتعني له شيئا. أكبرإنكسار أن تتكلم ولا تجد من يعير كلامك إعتبار.
مرسلة بواسطة سندريلا في 3:29 م
24 التعليقات:
بصراحه انا همسح رقمى من عنده ومش هتصل عليه خالص وهنسحب بس عشان يعرف انى مش زى ماهو كاتب
تحياتى ليكى
حياه بلا عنوان
اذا كان شخص عزيز على لدرجة انى مقدرش استغنى عنه فسوف افعل ما يلى
اولا سوف اتجاوز مرحلة الالم الناشئ عن صدمة كونى لزقة اوقلق او غيره
ثانيا سوف انسحب تدريجيا من طريقه وبدون ابداء اى اسباب ..
ثالثا خلال هذه الفترة سوف اعيد حساباتى وابحث عن اسباب نعته لى بهذه الالفاظ وسوف احاول تلافيها ..
رابعا بعد مساحة زمنية مناسبة سوف ابدأ العتاب فأنا لا اخسر اصدقائى بسهول فأذا ما ابدى اسفا واوضح اسباب نعته لى بهذه الالفاظ فنحن مازلنا اصدقاء
الاخت حياه بلا عنوان شكرا لزيارتك لى وربنا ما يوعدك بكده ههههههههههههه
شكرا لك عزيزى وميض ابتسامه لرك على موضوعى وكمان احلى حاجه ان الانسان ميخسرش اصدقائه بس المشكله لو فى ناس متقدرش تتعامل معاهم باسلوبهم وتحاول متخسرهمش
السلام عليكم
موضوع جميل اوووي
بجد رائع كلمات ذهبيه
دمت على كل خير
اتمني لك المزيد من التفوق و السعاده
و اتمني زيارتك الي مدونتي المتواضعه
********************
تحياتي
***************
القلب المنكسر
و شكرا *************
بصراحه ياسندريلا ممكن لو لقيت كده هاسحبه من افاه وهاوريلو هو كاتب ايه وبعدين هاكسر الموبيل بتاعه قصاده ثم بالشلوط بعد كده لانى هاطلعه من حياتى بالتلاته0000 تحياتى ليكى
انا افتكرت في الاول انه لما يفتح الموبايل يلاقي الاسم مكتوب حبيبي عمري كده يعني
لو كان شخص بحبه هزعل قوي بس ممكن اسامحه اصلا فعلا صدمه ومن حد قريب ليك
بس في الغالب هسامحه لو هوه اعتذر او برر لان الصداقه والعشره الي بين الواحد واصحابه او احبابه متهونش كده علي طول دا اذا كان هوه مش عايزها تهون
لو كان شخص مش عزيز قوي هفتخر اني بعمله وجع في دماغه
شكرا ليك ولمرورك على مدونتى وانا اسعد بك يا /القلب المنكسر
شكرا ليك يا استاذ ايمن على مرورك بس متهيئلى انك عصبى اوى ومش اسلوب متحضر انه ياخد شلوط يروح اسيوط ويبقى صعيدى زى ناس نعرفهااااااا
مهو اكيد ياحمد كاتب كده يبقى مش انسان قريب وممكن يكون صديق وبيحب يهزر بس انت عارف المشكله فنوع الصدمه لما انت تشوفهابس لو مش باقى عليه اكيد تعرفه نفسه وبس
اول زياره هنا
وموضوع حلو
لو أنسان عزيز عليا هكلموا في موضوع زى دا لان انا من النوع اللى عندى بقولوا فوش اللى ادامى لانى صريح ولو عرفت السبب انى فعلا غلس او رخم هزعل منو اووووى وممكن يبقى فيه كلام تانى
تقبلى مرورى
السلام عليكم عارفة انا هقولة وهواجة وبعدهاامسح انا بأيدىرقمى من عندة ومش هعرفة تانى خالـــــــص
بصي انا هامسح رقمه من عندي ومش هاحاول اتصل بيه تاني عشان كرامتي... كل سنة وانتي بخير
اهلا بيك مش عارف وسرنى زيارتك وياريت مش تكون الاخيره وتحياتى ليك
انتى يا هبه لما تمسحى رقمك ومش تكلميه ليه اكسرى الموبيل احسن هههههههه
شكرا لزيارتك يا اوشه بس لوخدنا كل حاجه على انها كرامه يبقى هنخسر كل حاجه مكن يكون بيهزر بس هزاره تقيل الافضل اعاتبه واعرف نيته وبعدها تشوفى تعملى ايه
لا يا سندريلا هخبط عليكوا كل يوم
هههههههه
بس نشوف منكم اكل مثلا او حاجه ساقعه
وعندك حق فعلا لو خدا كل حاجه على انها كرامة هنخسر كل حاجه
يا مش عارف 2 شيبسى حجم عائلى و2 بيبسى وتنور معايا وشكرا ليك ومنورنى بجد
همسح اسمه من على وش الدنيا هههههههه
اكيد هواجهه واساله ليه عمل كدا لو مش عايز يكلمنى يقولى وخلاص وملهوش لزمه قله الادب هههههههه
تحياتى ليكى
يا رحله الاحزان هو ممكن مش يكون قليل الادب ممكن بيهزر بس بطريقته الغير ليقه وممكن يكون هو شايفك كده كل واحد حر فطريقته وتعبيره وانتى كمان حره فتعبيرك بس سؤال هتمسحى وشه ازاى اصل عاوزه اجرب على ناس هههههههههه
السلام عليكم .
شرفنى مرورك وسعيده بمعرفتى بيكى .
بجد موقف صعب انى اشوف حاجه زاى دى بس مش احسن انى اكتشف ان رقمى ممسوح خالص .بس ان شاء الله مفيش حد يتعرض لهذا الموقف .
(كوكى)
شكرا ليكى ولمرورك فى مدونتى يا كوكى ومنورانى ياقمر
لاء مش هامسح رقمى من عنده هامسح رقمة من عندى انا لانه لا يستاهل صداقتى او معرفتى من الاصل وهاسيب له رقمى يمكن فى يوم من الايام يسال ليه ما باتصلش فاقوله وجها لوجه
منورانى يا جسرالى الحياه/ شكرالمرورك زيارتك مدونتى وياريت مش تكون اخر مره ويسعدنى وجودك
تحياتى لكى
إرسال تعليق